Home / உள்நாட்டு செய்திகள் / விடுதலைப் புலிகளை வீழ்த்த இந்தியா எங்களுக்கு உதவியது ராஜபக்சே!

விடுதலைப் புலிகளை வீழ்த்த இந்தியா எங்களுக்கு உதவியது ராஜபக்சே!

இலங்கை இறுதிக்கட்டப் போரில் விடுதலைப்புலிகளை வீழ்த்த இந்திய அரசு உதவியதாக ராஜபக்சே தெரிவித்துள்ளார்.

இலங்கை ராஜபக்சே மூன்று நாள் பயணமாக கடந்த செவ்வாயன்று இந்தியா வந்தார். இந்நிலையில், தனியார் தமிழ் செய்தி தொலைக்காட்சி ஒன்று பிரத்யேகமாக எடுத்தப் பேட்டியில், ராஜபக்சே பேசியதாவது:

‘இலங்கையில் போர் உச்சத்தில் இருக்கும் போது லட்சக்கணக்கான மக்களை விடுதலை புலிகள் பணைய கைதிகளாக வைத்திருந்தனர். அம்மக்கள் அரசு கட்டுப்பாட்டு பகுதிக்கு வர விரும்பினர். ஆனால், அவ்வாறு வர முயற்சித்து ஓடி வந்த மக்கள் மீது விடுதலைப்புலிகள் துப்பாக்கிச் சூடு நடத்தினர். பிரபாகரனுக்கு சரணடைய வாய்ப்பு வெளிப்படையாகவே கொடுக்கப்பட்டது. ஒரு வேளை அவர் சரணடைந்திருந்தால், கைது செய்திருப்போம். ஆனால், அவர் சரணடையாததால்  தவிர்க முடியாமல் துப்பாக்கிச் சூடு நடத்த வேண்டியதாயிற்று. அவர் தற்போது உயிருடன் இல்லை. ஆனால், சில பேர் அரசியல் நோக்கத்திற்காக உயிரோடு இருப்பதாக சொல்லிக் கொண்டு இருக்கிறார்கள்,

இறுதிபோரின் போது இந்தியா மட்டுமல்ல. உலகின் பல்வேறு நாடுகளும் எங்களுக்கு உதவினர். இந்தியா உள்ளிட்ட நாடுகள் எங்களுக்கு தடைகள் விதித்திருந்தால், எங்களால் விடுதலைப்புலிகளை வீழ்த்தியிருக்க முடியாது. விடுதலைப்புலிகள் வளர்ந்து வளர்ந்து மக்களை கொன்றிருப்பார்கள். போரில் அப்பாவி மக்கள் உயிரிழந்ததற்கு நான் வருந்துகிறேன். ஆனால், அப்போது இது தவிர வேறு வழியில்லை.’

About Tharshi

x

Check Also

சற்றுநேரத்தில் புதிய பிரதமரின் விசேட உரை

புதிய பிரதமராக ஐக்கிய தேசியக் கட்சியின் தலைவர் ரணில் விக்ரமசிஙக மீண்டும் பிரதமராக பதவியேற்றதைத் தொடர்ந்து ஐக்கிய தேசிய முன்னணியினர் ...

%d bloggers like this: