Home / உலகச் செய்திகள் / சவுதி அரேபியாவில் இருந்து வெளியேறிய இளம் பெண்ணுக்கு அடைக்கலம் வழங்கிய கனேடிய பிரதமர்

சவுதி அரேபியாவில் இருந்து வெளியேறிய இளம் பெண்ணுக்கு அடைக்கலம் வழங்கிய கனேடிய பிரதமர்

சவுதி அரேபியாவில் இருந்து வெளியேறி தற்போது தாய்லாந்தில் தடுத்து நிறுத்தப்பட்டுள்ள இளம் பெண்ணுக்கு கனேடிய பிரதமர் வாக்குறுதி ஒன்றை அளித்துள்ளார்.

அத்தோடு சவுதி அரேபியாவை சேர்ந்த இளம்பெண் ரஹப் முகமது அல் கியூனன் (18). கருத்து வேறுபாடு காரணமாக தன்னை அறையில் அடைத்து வைத்து பெற்றோர் கொடுமைப்படுத்தியதாக கூறி நாட்டை விட்டு வெளியேறினார்.

மேலும் குவைத்தில் இருந்து தாய்லாந்து தலைநகர் பாங்காக் வழியாக அவுஸ்திரேலியா செல்ல திட்டமிட்ட அவரை போதிய ஆவணங்கள் இல்லாத காரணத்தால் தாய்லாந்து அதிகாரிகள் அங்கு தடுத்து நிறுத்தினார்கள்.

சவுதி அரேபியாவுக்கே அவரை திருப்பி அனுப்ப ஏற்பாடு செய்யப்பட்டது. அதற்கு மறுத்த ரஹப் அவுஸ்திரேலிய அரசு தனக்கு அடைக்கலம் தர வேண்டும் என சமூக வலைதளங்கள் மூலம் அவர் கோரிக்கை விடுத்தார்.

மேலும் இந்த விவகாரம் சர்வதேச அளவில் பரபரப்பாக பேசப்பட்ட நிலையில் ஐக்கிய நாடுகள் சபை கனடா அரசுக்கு அடைக்கலம் வழங்குவது தொடர்பில் கோரிக்கை வைத்தது.

இந்த நிலையில் கனேடிய பிரதமர் (Justin Trudeau) வெள்ளியன்று ஐக்கிய நாடுகள் சபையின் கோரிக்கையை ஏற்றுக்கொள்வதாக தெரிவித்துள்ளார்.

அதனையடுத்து பேசிய தாய்லாந்து அதிகாரிகள் கூடிய விரைவில் அல் கியூனன் கனடா செல்ல தேவையான அனைத்து நடவடிக்கைகளையும் மேற்கொள்ள இருப்பதாக தெரிவித்துள்ளனர்.

 

About அகமுகிலன்

x

Check Also

நிலநிடுக்கத்தால் பலத்த சேதமடைந்த கேமரினோ நகருக்கு சென்ற போப் ஆண்டவர்

இத்தாலியில் நிலநிடுக்கத்தால் பலத்த சேதமடைந்த கேமரினோ நகருக்கு சென்ற போப் ஆண்டவர், ஆலய திருப்பலியில் கலந்து கொண்டார். இத்தாலியின் மத்திய ...

%d bloggers like this: