Home / தொழில்நுட்ப செய்திகள் / ஸ்மார்ட்போன் பயன்பாட்டை ஒரு வருடத்திற்கு தியாகம் செய்பவருக்கு ரூ.72 லட்சம் பரிசு

ஸ்மார்ட்போன் பயன்பாட்டை ஒரு வருடத்திற்கு தியாகம் செய்பவருக்கு ரூ.72 லட்சம் பரிசு

ஸ்மார்ட்போன் பயன்பாட்டை ஒரு வருடத்திற்கு தியாகம் செய்பவருக்கு ரூ.72 லட்சம் பரிசு வழங்குவதாக தனியார் நிறுவனம் அறிவித்துள்ளது.

ஸ்மார்ட்போன் பயன்பாடு நாளுக்கு அதிகரித்து வருவதைத் தெளிவாக தெரிந்து வைத்திருக்கும் தனியார் நிறுவனம் புதுவித போட்டியை அறிவித்துள்ளது.

ஒரு வருடத்திற்கு ஸ்மார்ட்போன் பயன்படுத்தாமல் இருப்பவருக்கு ரூ.72 லட்சம் பரிசு தொகை வழங்குவதாக விட்டமின்வாட்டர் எனும் நிறுவனம் அறிவித்துள்ளது.

ஸ்மார்ட்போன் பயன்பாட்டை தியாகம் செய்யும் முனைப்பு கொண்டவர்களுக்கு சவால் விடும் வகையில், புதிய போட்டி போட்டியில் பங்கேற்க விரும்புவோர் விட்டமின்வாட்டர் நிறுவனத்திடம் ஸ்மார்ட்போனில் இருந்து அனுப்ப வேண்டும்.

ஏன் உங்களுக்கு இடைவெளி வேண்டும் என்பதை விளக்கும் தகவல் மற்றும் ஸ்மார்ட்போன் இல்லாத நேரத்தில் நீங்கள் என்ன செய்வீர்கள் என்பதை டைப் செய்து அதனை ட்விட்டர் அல்லது இன்ஸ்டாகிராமில் பதிவிட வேண்டும்.

பங்கேற்போர் கேள்விக்கான பதில்களுடன் #NOPHONEFORAYEAR மற்றும் #CONTEST என்ற ஹேஷ்டேக் சேர்த்து பதிவிட வேண்டும். போட்டியில் கலந்து கொள்ள ஜனவரி 8, 2019க்குள் ட்விட்டர் அல்லது இன்ஸ்டாகிராம் மூலம் பதிவிட வேண்டும். பின் நிறுவனம் சார்பில் தேர்வு செய்யப்படும் போட்டியாளர்களுக்கு அழைப்புகளை மேற்கொள்ளும் வசதி கொண்ட மொபைல் போன் வழங்கப்படும்.

 

போட்டியில் கலந்து கொள்வோர் 365 நாட்களுக்கு நிறுவனம் சார்பில் வழங்கப்படும் மொபைல் போன் மட்டுமே பயன்படுத்த வேண்டும். இதுதவிர லேப்டாப், டெஸ்க்டாப், அமேசான் அலெக்சா, கூகுள் ஹோம் போன்ற சாதனங்களை பயன்படுத்தலாம். எனினும், ஸ்மார்ட்போன் மற்றும் டேப்லெட் போன்ற சாதனங்களை பயன்படுத்தக்கூடாது எனவும் அறிவித்துள்ளது.

விட்டமின்வாட்டர் சார்பில் போட்டியாளர் ஜனவரி 22ம் தேதிக்குள் தேர்வு செய்யப்பட்டு அவர்களுக்கான மொபைல் போன் வழங்கப்படும்.

ஒரு வருடம் முழுக்க ஸ்மார்ட்போன் பயன்படுத்தவில்லை என்பதை விட்டமின்வாட்டர் உண்மை கண்டறியும் சோதனை நடத்தப்பட்டே பரிசு தொகை வழங்கப்படும்.

 

 

About அகமுகிலன்

x

Check Also

தென்கொரிய நிறுவனம் மீது பேஸ்புக் நிறுவனம் வழக்கு!!

கேம்பிரிஜ் அனாலிட்டிக்கா நிறுவனம் பேஸ்புக் பயனர்களின் தகவல்களை பயன்படுத்தியது தொடர்பான சர்ச்சையில் இருந்து பேஸ்புக் நிறுவனம் இன்னும் முழுமையாக மீளவில்லை. ...

%d bloggers like this: