Home / உள்நாட்டு செய்திகள் / வட மாகாணத்தில் குறைகேள் விசாரணைக்குழு அமைக்க தீர்மானம்!

வட மாகாணத்தில் குறைகேள் விசாரணைக்குழு அமைக்க தீர்மானம்!

வட மாகாண கல்வித்துறையில் பெண்களுக்கு எதிராக இடம்பெறும் பாலியல் ரீதியான துன்புறுத்தல்களை விசாரணை செய்வதற்கு குறைகேள் விசாரணைக் குழு ஒன்று அமைக்கப்படவுள்ளது.

இதற்கான தீர்மானத்தை வடமாகாண ஆளுநர் சுரேன் ராகவன் மேற்கொண்டுள்ளதாக, வடமாகாண ஆளுநர் அலுவலகம் குறிப்பிட்டுள்ளது.

வட மாகாணத்தின் கல்வித்துறையில் பணிபுரியும் பெண்கள் பாலியல் ரீதியில் துன்புறுத்தப்படுவது தொடர்பிலும், பால்நிலை சமத்துவம் இல்லாமை தொடர்பிலும், ஆளுநரின் கவனத்திற்கு அதிகளவான முறைப்பாடுகள் முன்வைக்கப்பட்டுள்ளன.

இதன் காரணமாக விசாரணைகளை மேற்கொண்டு அவற்றிற்கான தீர்வுகளை வழங்குவதற்காகவே, குறைகேள் விசாரணைக் குழுவொன்றினை அமைக்க ஆளுநர் தீர்மானித்துள்ளார் என தெரிவிக்கப்பட்டுள்ளது

மூன்று பேரடங்கிய இந்த விசாரணைக் குழுவில் இரு பெண்கள் உள்ளடங்குவதுடன், அதில் ஒருவர் முறைப்பாட்டாளர்களினால் முன்மொழியப்பட்டவராகவும் இருப்பார் என குறிப்பிடப்பட்டுள்ளது.

அத்தோடு வட மாகாணத்தின் கல்வித்துறையை மேம்படுத்தும் நோக்கில், வட மாகாண கல்வியமைச்சுக்கு தமது ஆலோசனைகளையும் சரியான வழிகாட்டுதல்களையும் வழங்குவதற்க 15 பேரடங்கிய சிரேஸ்ட கல்விமான் சபையொன்றினை அமைக்கவும் ஆளுநர் தீர்மானித்துள்ளார்.

அதற்கான உறுப்பினர்களை நியமிப்பதற்கு ஆளுநர் நடவடிக்கைகளை எடுத்து வருவதாக, வட மாகாண ஆளுநர் அலுவலகம் மேலும் தெரிவித்துள்ளது.

About அகமுகிலன்

x

Check Also

படைப்புழுவை கட்டுப்படுத்த மன்­னார் மாவட்டத்­தில் விழிப்புணர்வுக் கருத்தரங்கு!!

மன்­னார் மாவட்டத்­தில் படைப்­பு­ழு­வைக் கட்­டுப்­ப­டுத்­து­தல் தொடர்­பான கருத்­த­ரங்கு  மாவட்ட செய­ல­கத்­தின் கேட்­போர் கூடத்­தில் மாவட்ட செய­லர் சி.ஏ. மோகன்­றாஸ் தலை­மை­யில் ...

%d bloggers like this: