Home / உள்நாட்டு செய்திகள் / வடமாகாணம் பூராகவும் மனிதப் புதைகுழிகளும், மனித எச்சங்களும் அமைச்சர் அனந்தி சசிதரன்

வடமாகாணம் பூராகவும் மனிதப் புதைகுழிகளும், மனித எச்சங்களும் அமைச்சர் அனந்தி சசிதரன்

மன்னார் மாவட்டத்திலும், யாழ்ப்பாணம் மண்டைதீவிலும் மட்டுமல்ல வடமாகாணம் பூராகவும் இராணுவம் நிலைகொண்டுள்ள சகல இடங்களிலும் மனிதப் புதைகுழிகளும், மனித எச்சங்களும் மீட்கப்படும் என முன்னாள் மாகாண அமைச்சர் அனந்தி சசிதரன் தெரிவித்துள்ளார்.

யாழ்.ஊடக அமையத்தில் இன்று வெள்ளிக்கிழமை நண்பகல் நடைபெற்ற செய்தியாளர்கள் சந்திப்பில் கேட்கப்பட்ட கேள்விகளுக்குப் பதில் அளிக்கும் போதே அவர் இவ்வாறு தெரிவித்துள்ளார்.

மேலும் இது தொடர்பாக

காணாமல் போனவர்கள் தொடர்பில் மிக நீண்ட வரலாறு இந்த மண்ணிற்கு உண்டு. மன்னார் புதைகுழி என்பது மனித குலத்திற்கு எதிரான மனங்களை உலுக்குகின்ற சம்பவமாக உள்ளது. குறிப்பாக 26ற்கு மேற்பட்ட குழந்தைகளுடைய உலும்புக் கூடுகள் அங்கு மீட்கப்பட்டுள்ளன.

அதுமட்டுமல்ல இரும்பு சங்கிலியால் கட்டப்பட்ட எலும்புக் கூடுகளும் அங்கு மீட்கப்பட்டுள்ளது. இந்த அகழ்வுக்கு சர்வதேச மத்தியஸ்தம் வேண்டும்.

ஏனெனில் இலங்கையில் அரசில் தமிழர்களுக்கு நம்பிக்கை இல்லை. வடக்கு கிழக்கு மாகாணங்களில் இராணுவம் நிலை கொண்டிருந்த அனைத்து பகுதிகளிலும் மனித புதைகுழிகள் உள்ளன.

மேலும் இராணுவம் நிலை கொண்டிருந்த பகுதிகளிலும் ஆய்வுகள் செய்யப்பட வேண்டும். ஏனெனில் ஏராளமான மக்கள் காணாமல் போயுள்ளார்கள்.

எங்களிடம் சரியான புள்ளிவிபரங்கள் இல்லை. தமிழீழ விடுதலைப் புலிகள் இருந்த காலத்தில் கிளி பாதர் இருந்த வரையிலான கணிப்பீடு ஒன்று உள்ளது. அதுதவிர வேறு புள்ளிவிபரங்கள் இல்லை.

இன்று கூட இந்திய இராணுவத்தின் 1987 ஆம் ஆண்டு காலப்பகுதியில் கடலில் வைத்தும் வீடுகளில் வைத்தும் தமது உறவுகள் காணாமல் போயுள்ளார்கள் என்று என்னிடத்தில் வந்து பதிவு செய்கின்றவர்கள் உள்ளார்கள்.

மேலும் சர்வதேச நாடுகளின் உதவிகளை நாட வேண்டிய நிலையில் தமிழர்கள் உள்ளார்கள். ஏனெனில் காணாமல் போனவர்களின் உறவினர்கள் காணாமல் போன தமது உறவுகளில் எச்சங்களாக இருக்கலாம் என்று அஞ்சுகின்றார்கள்.

மேலும் தமிழ் தேசிய கூட்டமைப்பின் பாரளுமன்ற உறுப்பினர் சிவஞானம் சிறிதரன் மண்டைதீவு உட்பட மேலும் பல தீவுகளில் மனித புதை குழி உள்ளதாக தெரிவித்துள்ளார். இந்த விடையம் தொடர்பில் அனைத்து அரசியல் தலைவர்களும் பொது அமைப்புக்களும் சர்வதேச உதவியினை நாடவேண்டும் என்றார்.

 

About அகமுகிலன்

x

Check Also

வளிமண்டலவியல் திணைக்களம் விடுத்துள்ள அறிவித்தல்!!

நாட்டின் பல பகுதிகளில் மழை அல்லது இடியுடன் கூடிய மழை பெய்யகூடும் என வளிமண்டலவியல் திணைக்களம் எதிர்வுகூறியுள்ளது. மத்திய் சப்ரகமுவ ...

%d bloggers like this: