Home / உலகச் செய்திகள் / மொசம்பிக் நாட்டில் புயல் , வெள்ளத்தால் 1000 பேர் பலி-6 லட்சத்திற்கும் அதிகமான மக்கள் பாதிப்பு

மொசம்பிக் நாட்டில் புயல் , வெள்ளத்தால் 1000 பேர் பலி-6 லட்சத்திற்கும் அதிகமான மக்கள் பாதிப்பு

புயலால் பாதிக்கப்பட்ட மொசாம்பிக் நாட்டில் ஆயிரம் பேர் உயிரிழந்த நிலையில், 6 லட்சத்திற்கும் அதிகமான மக்கள் பாதிக்கப்பட்டுள்ளனர்.

கிழக்கு ஆப்பிரிக்க நாடான மொசாம்பிக்கின் துறைமுக நகரான பெய்ராவை இடை என்ற புயல் கடந்த வியாழக்கிழமை மணிக்கு 177 கிலோ மீட்டர் வேகத்தில் தாக்கியது. இதனால் ஏராளமான வீடுகளின் மேற்கூரைகளும், சுற்றுச்சுவர்களும் இடிந்து விழுந்தன.

மரங்கள், மின் கம்பங்கள் அனைத்தும் விழுந்துள்ளன. தொலைத்தொடர்பு கோபுரங்கள் சாய்ந்ததால் சேவை துண்டிக்கப்பட்டுள்ளன. பல இடங்களில் சாலை போக்குவரத்து முற்றிலும் துண்டிக்கப்பட்டுள்ளது. பாதிக்கப்பட்ட பகுதிளை ஆய்வு செய்த அதிபர் பிலிப் நையுசி, ஆறுகள் உள்ளிட்ட பல இடங்களில் சடலங்கள் மிதப்பதால், பலியானவர்கள் எண்ணிக்கை ஆயிரத்தை தாண்டும் என குறிப்பிட்டார்.

இந்த நிலையில் வெள்ளம் வடியாமல் இருப்பதால் ஏறத்தாழ 6 லட்சத்திற்கும் அதிகமான மக்கள் வெள்ளத்தில் சிக்கியிருப்பதால் உலக நாடுகள் உதவ வேண்டும் என ஐநா சபையின் உலக உணவுத் திட்ட அதிகாரி தெரிவித்துள்ளார். இடை புயல் காரணமாக ஆப்பிரிக்காவில் பல்வேறு நாடுகளில் 26 லட்சம் பேர் வரை பாதிக்கப்பட்டிருக்கலாம் என அவர் குறிப்பிட்டார்.

மேலும் அனைத்து செய்திகளை உடனுக்குடன் அறிந்து கொள்ள எமது முகநூல் பக்கத்தை லைக் செய்யுங்கள்

Facebook-LIKE

About அகமுகிலன்

x

Check Also

சவுதி அரேபியாவில் இடம்பெற்ற வாகன விபத்தில் இலங்கையர் ஒருவர் உயிரிழப்பு!!

சவுதி அரேபியாவில் இடம்பெற்ற வாகன விபத்தில் அம்பாறை மருதமுனைப் பிரதேசத்தைச் சேர்ந்த இளைஞர் ஒருவர் உயிரிழந்துள்ளார் என தெரிவிக்கப்படுகிறது. உயிரிழந்தவர் ...

%d bloggers like this: