Home / உள்நாட்டு செய்திகள் / புதிய ஜனாதிபதியின் பெயர் நாளை மாலை அறிவிக்கப்படும் மகிந்த தேசப்பிரிய

புதிய ஜனாதிபதியின் பெயர் நாளை மாலை அறிவிக்கப்படும் மகிந்த தேசப்பிரிய

புதிய ஜனாதிபதியின் பெயர் நாளை மாலை அறிவிக்கப்படும் என்று தேர்தல்கள் ஆணைக்குழுவின் தலைவர் மகிந்த தேசப்பிரிய தெரிவித்தார்.

அத்துடன், உத்தியோகபூர்வ தேர்தல் முடிவுகளை அறிவிக்கும் பணி இன்று நள்ளிரவுக்கு முன் ஆரம்பமாகும் என்றும் அவர் குறிப்பிட்டார்.

தேர்தல்கள் ஆணைக்குழுவில் இன்று இரவு இடம்பெற்ற செய்தியாளர் சந்திப்பிலேயே அவர் இதனைத் தெரிவித்தார்.

‘ஜனாதிபதித் தேர்தலின் வாக்களிப்பு இன்று சனிக்கிழமை காலை 7 மணிக்கு ஆரம்பமாகி மாலை 5 மணிக்கு நிறைவடைந்தது. அதனையடுத்து இன்று மாலை 5.15 மணியளவில் தபால்மூல வாக்குகளை எண்ணும் பணிகள் ஆரம்பமாகின.

தற்போது இன்றை வாக்குப் பதிவின் வாக்குகளும் எண்ணப்படுகின்றன.

வரலாற்றில் முதல்தடவையாக அம்பாந்தோட்டையில் 85 சதவீத வாக்குப்பதிவு இடம்பெற்றுள்ளது. மன்னாரில் குறைவான வாக்குப்பதிவாக 62 சதவீதம் காணப்படுகிறது. நாடுமுழுவதும் ஒட்டுமொத்தமாக 80 சதவீத வாக்குப் பதிவு இடம்பெற்றுள்ளது.

இந்த நிலையில் தபால்மூல வாக்களிப்பின் இரத்தினபுரி மாவட்ட முடிவு இன்று நள்ளிரவுக்கு முன் வெளியிடப்படும்” என்று தேர்தல்கள் ஆணைக்குழுவின் தலைவர் குறிப்பிட்டுள்ளார்.

மேலும் நாளை மாலை வெற்றிபெறும் வேட்பாளரின் பெயர் அறிவிக்கப்படும் என்றும் அவர் நாளைமறுதினம் திங்கட்கிழமை காலையில் பதவி ஏற்க முடியும் என்றும் தேர்தல்கள் ஆணைக்குழுவின் தலைவர் தெரிவித்தார்.

About Radio tamizha

x

Check Also

RADIOTAMIZHA | நாட்டில் தொற்றில் கொரோனா குணமடைந்தவர்களின் எண்ணிக்கை அதிகரிப்பு

நாட்டில் மேலும் 22 கொரோனா நோயாளர்கள் தொற்றில் இருந்து குணமடைந்துள்ளனர். இதற்கிணங்க குணமடைந்தவர்களின் மொத்த எண்ணிக்கை 1885 ஆக அதிகரித்துள்ளது. ...

%d bloggers like this: