Home / உள்நாட்டு செய்திகள் / ஈழத் தமிழரின் கலைக்கும் பெருமை சேர்த்து வரலாற்றுச் சாதனையை பதிவு செய்த சென் ஜோன்ஸ் கல்லூரி மாணவர்கள்

ஈழத் தமிழரின் கலைக்கும் பெருமை சேர்த்து வரலாற்றுச் சாதனையை பதிவு செய்த சென் ஜோன்ஸ் கல்லூரி மாணவர்கள்

இந்தியாவின் காஞ்சிபுரத்திலே ஏழாவது முறையாக இடம்பெற்ற ஹிடின் ஐடோல் (Hidden Idol ) சர்வதேச பரதநாட்டியப் போட்டியில் கிராமிய நடன பிரிவில் யாழ்ப்பாணம் சென் ஜோன்ஸ் கல்லூரி மாணவர்கள் முதலாமிடத்தைப் பெற்று வரலாற்றுச் சாதனையை பதிவு செய்தனர்.

கடந்த வாரம் நடைபெற்ற இந்த கிராமிய நடனப்போட்டியில் பங்கேற்ற யாழ்ப்பாணம் சென். ஜோன்ஸ் கல்லூரி மாணவர்கள் 8 பேரும் யாழ்ப்பாண மண்ணுக்கும் ஈழத் தமிழரின் கலைக்கும் பெருமை சேர்த்துள்ளனர்.

போட்டியில் சிவலிங்கம் தாகியன், சிவலிங்கம் தாருஜன், சதீஸ் யனோஜ், இராஜரட்ணம் மோனாலிஷன், துரைசிங்கம் றஜீவன், உதயகுமார் சுலக்சன், தங்கராசா தனுஜன், ரமேஷ் விஷ்வா ஆகிய மாணவர்களே பங்கேற்றனர்.

பிரபல நடன ஆசிரியர் நடன வித்தகன் துரைசிங்கம் வாகீசனால் இவர்கள் பயிற்றப்பட்டனர். இந்தக் குழுவுக்கு பொறுப்பாசிரியராக சிங்கராஜா செந்தூரன் பெரும்பங்காற்றினார் என்று யாழ்ப்பாணம் சென்.ஜோன்ஸ் கல்லூரி நிர்வாகம் தெரிவித்தது.

 

About அகமுகிலன்

x

Check Also

அறு­வ­டை­ செய்­த நெல்­ம­ணி­களை வீதி­க­ளில் காய­வி­டும் விவ­சா­யி­க­ள்!!

வியர்வை சிந்திப், பாடு­பட்டு அறு­வ­டை­செய்­யும் நெல்­ம­ணி­களை வீதி­க­ளில் காய­வி­டும் அவ­லத்தை மன்­னார் மாவட்ட விவ­சா­யி­க­ளும் எதிர்­கொண்டுள்ளனர். நெல் காய­வி­டும் தளங்­கள் ...

%d bloggers like this: