Home / உலகச் செய்திகள் / ஆண்டுக்கு 8 லட்சம் பேர் தற்கொலை – உலக சுகாதார நிறுவனம் !

ஆண்டுக்கு 8 லட்சம் பேர் தற்கொலை – உலக சுகாதார நிறுவனம் !

உலக அளவில் ஆண்டுக்கு 8 லட்சம் பேர் தற்கொலை செய்து கொள்வதாக உலக சுகாதார நிறுவனம் அதிர்ச்சி தகவலை வெளியிட்டுள்ளது.

உலக சுகாதார நிறுவனம், கனடாவின் மன நல ஆணையத்துடன் இணைந்து, கடந்த 2016-ம் ஆண்டு உலக அளவில் நடந்த தற்கொலைகள் தொடர்பாக ஆய்வு ஒன்றை மேற்கொண்டது.

இந்நிலையில், கடந்த திங்கள் கிழமை, உலக தற்கொலைத் தடுப்பு தினத்தை முன்னிட்டு, இதன் ஆய்வு முடிவுகளை உலக சுகாதார நிறுவனம் வெளியிட்டுள்ளது. அதில் கூறியிருப்பதாவது:

மற்ற நாடுகளுடன் ஒப்பிடுகையில், குறைந்த மற்றும் நடுத்தர வருமானம் உள்ள நாடுகளில் தற்கொலை அதிகமாகக் காணப்படுகிறது. 2016-ம் ஆண்டில் மட்டும் உலகளவில் 8 லட்சம் பேர் தற்கொலை செய்துள்ளனர்.

அவர்களில் பெரும்பாலானவர்கள் 15 வயது முதல் 29 வயது வரை உடைய இளைஞர்கள் என்பது குறிப்பிடத்தக்கது. தற்கொலையில் இறப்பவர்களுக்கும், தற்கொலைக்கு முயல்பவர்களுக்குமான எண்ணிக்கை விகிதம் 1:20 ஆக உள்ளது.

தற்கொலை செய்பவர்களில் 20 சதவீதம் பேர் வி‌ஷம் குடித்து தங்கள் உயிரை மாய்த்துள்ளனர். இதற்கு அடுத்தபடியாக தூக்கிட்டு தற்கொலை செய்வதும், தீக்குளிப்பதும் அதிகம் உள்ளன.

அதேநேரத்தில் பணக்கார நாடுகளில் மனநலம் பாதிப்பு மற்றும் மன அழுத்தம், மது போதை மற்றும் போதை மருந்து உள்ளிட்டவைகளால் தற்கொலைகள் நடைபெறுகின்றன.எனவே அரசு அளவிலும், சமூக அளவிலும் தற்கொலைகளை தடுத்து நிறுத்த தேவையான நடவடிக்கை எடுக்கப்பட வேண்டும்.

உலக அளவில் 38 நாடுகளில் மட்டுமே தற்கொலைத் தடுப்புத் திட்டங்கள் செயல்படுத்தப்பட்டு வருகின்றன. எனவே கல்வி, மனநல ஆலோசனை போன்றவற்றின் மூலம் தற்கொலையை பெரிய அளவில் தடுக்க முடியும் என்று அறிக்கையில் தெரிவிக்கப்பட்டுள்ளது.

About Tharshi

x

Check Also

ஐ.நா நோக்கி பொங்கு தமிழ் (படங்கள் உள்ளே)

தமிழின அழிப்பிற்கு நீதி கேட்டு ஐ.நா நோக்கி பொங்கு தமிழ் 2018   Related

%d bloggers like this: