Home / உள்நாட்டு செய்திகள் / அரசியல் கைதிகளுக்கு மிக விரைவில் நல்ல செய்தி கிடைக்கும் நீதி அமைச்சர் தலதா அத்துகோரள

அரசியல் கைதிகளுக்கு மிக விரைவில் நல்ல செய்தி கிடைக்கும் நீதி அமைச்சர் தலதா அத்துகோரள

நீண்ட காலமாக சிறைச்சாலைகளில் தடுத்து வைக்கப்பட்டுள்ள அரசியல் கைதிகளுக்கு மிக விரைவில் நல்ல செய்தி கிடைக்குமென நீதி அமைச்சர் தலதா அத்துகோரள தெரிவித்துள்ளார்.

ஊடகவியலாளர்கள் அரசாங்கத்தின் நிலைப்பாடு என்ன என கேள்வி எழுப்பியமைக்கு பதில் தெரிவிக்கும் போதே மேற்கண்டவாறு அவர் தெரிவித்துள்ளார்.

மேலும் அரசியல் கைதிகளின் விடுதலை தொடர்பில் அரசாங்கம் நல்லதொரு தீர்மானத்தை எடுக்கவுள்ளதாகவும் இது தொடர்பில் அரசாங்கம் ஆராய்ந்து வருவதாகவும் தெரிவித்ததோடு இந்தத் தீர்மானத்தை நாடாளுமன்றத்தில் விரைவில் அறிவிப்பதாகவும் அவர் மேலும் தெரிவித்துள்ளார்.

மனைவி பிள்ளைகளைப் பிரிந்து, 11 மாதங்கள் சிறையிலிருந்த அர்ஜுன் அலோசியஸுக்குப் பிணை வழங்க முடியுமென்றால், 11 வருடங்களுக்கு மேலாக சிறைச்சாலையில் வாடும் அரசியல் கைதிகளுக்கு ஏன் பிணை வழங்க முடியாது​?

என, நாடாளுமன்றத்தில் உரையாற்றும்போது தமிழ்த் தேசியக் கூட்டமைப்பின் வன்னி மாவட்ட நாடாளுமன்ற உறுப்பினர் சார்ள்ஸ் நிர்மலநாதன் கேள்வி எழுப்பியிருந்தமை இங்கு குறிப்பிடதக்கது.

 

About அகமுகிலன்

x

Check Also

அரசாங்க மற்றும் தனியார் துறை இணைய தள உரிமையாளர்களுக்கு முக்கிய அறிவித்தல்!!

இலங்கையில் அரசாங்க மற்றும் தனியார் துறை இணைய தள உரிமையாளர்களுக்கு சைபர் தாக்குதல் தொடர்பான அறிவுறுத்தல் வழங்கப்பட்டுள்ளது. சைபர் தாக்குதலுக்கு ...

%d bloggers like this: